Dedans des Prez je vis une Dryade

0
3

Dedans des Prez je vis une Dryade,
Qui comme fleur s’assisoyt par les fleurs,
Et mignotoyt un chappeau de couleurs,
Echevelée en simple verdugade.

Des ce jour là ma raison fut malade,
Mon cuoeur pensif, mes yeulx chargez de pleurs,
Moy triste et lent : tel amas de douleurs
En ma franchise imprima son oeillade.

Là je senty dedans mes yeulx voller
Une doulx venin, qui se vint escouler
Au fond de lame : et depuis cest oultrage,

Comme un beau lis, au moys de Juin blessé
D’un ray trop chault, languist à chef baissé,
Je me consume au plus verd de mon age.

Rate this post
Previous articleContre les bucherons de la forest de Gastine
Next articleCe jour de Mai qui a la tête peinte

LEAVE A REPLY

Please enter your comment!
Please enter your name here