Tant de fois s’appointer, tant de fois se fascher

0
5
Tant de fois s’appointer, tant de fois se fascher,

Tant de fois rompre ensemble et puis se renoüer,
Tantost blasmer Amour et tantost le loüer,
Tant de fois se fuyr, tant de fois se chercher,

Tant de fois se monstrer, tant de fois se cacher,
Tantost se mettre au joug, tantost le secouer,
Advouer sa promesse et la desadvouer,
Sont signes que l’Amour de pres nous vient toucher.

L’inconstance amoureuse est marque d’amitié.
Si donc tout à la fois avoir haine et pitié,
Jurer, se parjurer, sermens faicts et desfaicts,

Esperer son espoir, confort sans reconfort
Sont vrais signes d’amour, nous entr’aimons bien fort,
Car nous avons tousjours ou la guerre, ou la paix.

Rate this post
Previous articleSur mes vingt ans, pur d’offense et de vice
Next articleSi mille oeillets, si mille liz j’embrasse

LEAVE A REPLY

Please enter your comment!
Please enter your name here